O BOSQUE DIDÁCTICO

É un proxecto dirixido a escolares de centros de ensino con estudios de Secundaria e/ou Bacharelato que quere informar e formar sobre a importancia do reino vexetal, e en especial das árbores, nas nosas vidas.

Consta de dous módulos independentes, que poderán ser solicitados por separado ou conxuntamente segundo os intereses de cada centro. Está pensado para ser montado a xeito de exposición, ocupando entre dúas e tres salas do centro educativo. Parte do mesmo pode dipoñerse nalgún pasillo.

Servirá como ferramenta complementaria para o traballo dos profesores na aula, podendo adaptarse a diferentes niveis.

I. O Bosque móbil.

Equipamento que se despregará nos centros escolares, conformando un espazo de descubrimento do mundo da natureza, especialmente a máis achegada. Estes elementos que, a forza de ser vistos todos os días, resúltannos tan cotiáns que non lles damos importancia. As árbores están nos xardíns, nos parques, no noso colexio, no bosque cercano. Con estas actividades comprenderemolos moito mellor, aprenderemos a respetalos e os seus usos.

Pequena recreación dos bosques de verdade: un pequeno paseo sen saír do centro, para descubrir sensacións, olores e sons da natureza. Contaremos cos seguintes elementos:

1. Tocóns de árbores: Poderase apreciar as diferenzas na estructura interna e a codia das principais especies. Apreciarase a árbore coma rexistro histórico e climático, poderanse contar os aneis para coñecer a idade dos troncos e outros datos de dendrocronoloxía.
2. Clasificación de follas: Colección de follas de diferentes especies para atopar o seu lugar correspondente nunha sinxela clave dicotómica.
3. Sons da natureza: Módulo con fotos e sons de paxaros. Inclúe unha breve descripción das súas características, costumes e hábitats das aves máis cotiáns.
4. Caixas entomolóxicas: Mostras nas que se poderán observar unha selección dos insectos característicos do bosque.
5. Pegadas de fauna: Recreación en madeira dos sinais deixados no chan polos mamíferos. Poderán ser empregados para realizar negativos en xeso.

Para unha mellor ambientación, estes elementos irán agrupados segundo 3 tipoloxías diferentes de bosque:

1. Bosque de ribeira: característico de zonas húmidas, ríos e lagos.
2. Bosque de frondosas: tradicional da zona.
3. Bosque de coníferas.

II. Exposición.

Un paseo pola evolución do mundo vexetal, coas bases do darwinismo, permitirános entender como as árbores, as súas follas e a madeira son o resultado dunha evolución natural.

Coñecer a natureza será o primeiro paso para defendela e respetala. Entendendo as características dos materiais naturais poderanse buscar novos usos ou descubrir os antigos.

Tratase de 13 paneis nos que se tratarán os seguintes temas:

1. Principios de evolución.
2. Principios de xenética.
3. A orixe das primeiras plantas.
4. As primeiras árbores.
5. As grandes árbores e os dinosaurios.
6. Como medran as árbores.
7. Sacar combustible das plantas.
8. As árbores modernas.
9. Os grandes bosques.
10. As plantas en perigo.
11. As materias primas das árbores.
12. As árbores, fogar de moitos seres vivos.
13. Investigando sobre a madeira.

Características:

• Exposición: por qué as follas non son cadradas? 13 paneis de tipo "roller", para ser montados nun espazo de interior. Fáciles de montar, envíanse con instrucións para a súa montaxe. Estímase un tempo de montaxe dun máximo de media hora para unha soa persoa.
Bosque móbil: 3 paneis tipo roller, 1 panel tipo lona para colgar, 3 moquetas grandes e varias caixas con elementos adicionales que irán colocados sobre ellas.
• Transporte gratuíto da exposición.
• Materias didácticos adicionais para mellor aproveitamento da exposición.
• A exposición estará dispoñible un máximo de 15 días, sendo entregada un luns e recollida o venres da semana seguinte. Poderán ser menos días se o centro é pequeno, ou máis con causa xustificada.

• Cubrir o formulario de reserva previa.
• Exposición condicionada á dispoñibilidade de datas.
• Fianza de 110 €. Devolveranse unha rematada a exposición e cuberto o formulario de avaliación da mesma.

Exposición

en PDF do 1 ao 6 (15,1 MB) e do 7 ao 12 (12,6 MB)

O Bosque Móbil

En PDF: Bósque Móbil (4,37 MB) e Cláve Botánica (278 KB)

Nome eapelidos: Email: Centro Educativo: Teléfono de contacto: Dirección: C.P/Poboación : Provincia: Datas preferentes: Observacións: Anti-Spam; Realiza a seguinte suma : 2 + 3 = ?

Os datos solicitados son necesarios para a correcta xestión da actividade. Serán automatizados segundo se recolle na Lei Orgánica 15/1999 de 13 de decembro de "Protección de datos de carácter persoal". En ningún caso serán cedidos a terceiros sen solicitar previamente o teu consentimento. Poderás exercer os dereitos de acceso, rectificación e cancelación dos mesmos dirixíndote por escrito a Altega - Bases de Datos. Rúa Murillo, 20 - baixo. 32002 - Ourense.

Organizan:

• CIS Madeira
• Fundación para o Fomento da Calidade Industrial e Desenvolvemento Tecnolóxico de Galicia
• Xunta de Galicia - Consellaría de Innovación e Industria

Patrocinan:

• FECYT
• Ministerio de Ciencia e Innovación

Produce:

• Altega

Contidos:

• José Enrique Fernández Marcos
• Laura Duran
• X. Dositeo Veiga
• Altega

Deseño gráfico

• Debuxos: Héitor Real
• O clube da Esquina